Rannan
Cainnt nam
Beathaichean
Cainnt nan Eun
Conaltradh
nam Beathaichean
Beagan Gràmair
Amalaidhean
Cainnte
Tòimhseachain
Cluichean
Duain
Ainmean is
Sloinnidhean
Criomagan Eile

Làir a' Mhinisteir

Seasaidh no suidhidh a h-uile duine ann an cearcall an toiseach agus théid aonan a shònrachadh mar Rìgh.  Théid an uairsin farainm a chur air a h-uile duine leis an neach a tha ri a t(h)aobh, can Am Balgair Buaireanta, Caileag gun Sgalag, Am Balach Salach, A' Chailleach Bhòidheach is mar sin air adhart.  Gabh an Rìgh an rann seo an uairsin:

 

An Rìgh:	Tha làir a' Mhinisteir air chall, Is mór an tàire i bhith ann, Chan aithne dhomhsa có ghoid i, Mur do ghoid am Balach Salach*
Am Balach Salach:	Chan fhìrinn sin!
An Rìgh:	Feuch ma-tà có am fear eile!

*[no farainm eile sa chuideachd]

Gabhaidh am Balach Salach an rann seo an uairsin ach ma nì e mearachd sam bith, feumaidh e ùmhladh a dhèanamh a shònraicheas an Rìgh, can rudeigin a thoirt seachad no rudeigin a dhèanamh.  Ach ge be dé an t-ùmhladh, gheibh e a shaoradh le dà òran a sheinn no seanfhacal a ràdh no tòimhseachan a chur no seasamh air a leth-chois car ùine no seasamh air a cheann-chaol no car a' mhuiltein a dhèanamh.  Faodar ùine a shuidheachadh airson na cluiche seo no sgur nuair a thathar sgìth dheth.