Tòimhseachan

Tòimhseachain - R

Thànaig ceathrar a-nall gun bhàta gun long:
fear buidhe fionn,
fear slatagach donn,
fear a bhualadh na sùiste,
fear a rùsgadh nan crann.

na (ceithir) ràithean

Teadhair fhada chaol bhàn,
is i 'na tàmh daonnan.

rathad mór

Fear dubh, namhaid clisgeadach,
bheir e ort ruith air uisgeachan.

reòthadh

Each dubh, is each donn,
bonn ri bonn,
ged is luath an t-each dubh,
is seachd luaithe an t-each donn.

roth-muilinn

Each dubh, dubh, is e a' mire ris an t-sruth,
chan eil an Éirinn no an Alba na leumas air a mhuin.

roth-muilinn

Rud mór cruinn, dubh,
a bhios a' mireadh ris an t-sruth,
chan eil an Albainn no an Éirinn,
a leumas air a mhuin.

roth-muilinn

Rud mór torrach,
bidh e a' mireadh ris an tuil,
is ged a bhios e ro saothair,
cha chaochail e a chruth.

roth-muilinn